Կոմունիստները Զանգեզուրը միացրին Հայաստանին, իսկ կապիտալիստները Զանգեզուրը տվեցին Ադրբեջանին

Դե ինչո՞ւ եք լռում պարոնայք՝ Լևոն Տեր-Պետրոսյան, Ռոբերտ Քոչարյան, Սերժ Սարգսյան։ Որտե՞ղ է Արցախը, ո՞ւր է Զանգեզուրը:

1921 թվականին Սոցիալիստական Հայաստանը կոմունիստ Ալեքսանդր Մյասնիկյանի գլխավորությամբ ազատագրեց և միացրեց Զանգեզուրը Հայաստանին։ 2025թ. կապիտալիստական Հայաստանը, գլոբալիստ Նիկոլի գլխավորությամբ, առանց պատերազմի, Զանգեզուրը հանձնեց Ադրբեջանին:

Դե որ պետությունն ու իշխանությունը դրանից հետո ավելի հայանպաստ եղավ, կապիտիալիստականը, թե կոմունիստականը պատասխանն ակնհայտ դարձավ։ Ակնհայտ դարձավ նաև այն, որ 34 տարի շարունակ Հայաստանի իշխանությունների վարած հակակոմունիստական զրպարտչական քաղաքականությունը տապալվեց՝ փորձելով կոմունիստներին ներկայացնել որպես հայկական տարածքները Ադրբեջանին հանձնելու գլխավոր մեղավորներ։

Դե ինչո՞ւ եք լռում պարոնայք՝ Լևոն Տեր-Պետրոսյան, Ռոբերտ Քոչարյան, Սերժ Սարգսյան։ Ո՞ր տեղ է Արցախը, ո՞ւր է Զանգեզուրը, նորից կոմունիստներն են մեղավոր, թե համարձակություն կգտնեք ընդունեք ձեր կապիտալիստների սխալները: Հենց դուք եք պարոնայք, Հայաստանի անկման գլխավոր ճարտարապետները, և Ձեր վարած արևմտամետ արտաքին ու ներքին քաղաքականությունը հանգեցրեց նրան, որ Հայաստանը դարձավ Արևմուտքի կիսագաղութը: Ձեր շնորհիվ Արևմուտքը ձեռնոցների պես փոխում է Հայաստանի կառավարիչներին: Ձեր և ձեր քաղաքականության շնորհիվ Արևմուտքը իշխանության բերեց Նիկոլին, որը փայլուն իրականացրեց Արևմուտքի աշխարհաքաղաքական ծրագրերը: Արևմուտքի խամաճիկը՝ Նիկոլը, հեշտությամբ հանձնեց Արցախը, Զանգեզուրը Ադրբեջանին, հիմա հերթը հասնում է Վարդենիսին, Սևանին, Արարատին և այլ տարածքներին, մինչև Հայաստանը չվերանա աշխարհի քաղաքական քարտեզից:

Մինչև ե՞րբ եք լռելու և շարունակելու խաբել ժողովրդին պարոնայք լիբերալները։ Հասկանալի է, որ ձեր երեխաները, թոռները ապրում են Արեւմուտքում, եւ դուք վախենում եք բացել ձեր բերանը: Բայց հայ ժողովուրդը պետք է իմանա, թե ովքեր են իր թշնամիները, ովքեր են այդ հզոր ուժերը, որ Սերժը ենթարկվեց:

Շուկայական (կապիտալիստական) տնտեսության հաստատումը հանգեցրեց նրան, որ Հայաստանը դարձավ Արևմուտքի կիսագաղութը։ Արևմուտքը Հայաստանի թշնամին է, քանի որ Արևմուտքը շահագրգռված է, առաջ է մղում և աջակցում թուրքական միությանը, իսկ Հայաստանը խանգարում է այդ միավորման ճանապարհին։ Դրա համար էլ Արևմուտքը պարտադրել է Փաշինյանին, որ Հայաստանը դարձնի Թուրքիայի կցորդը:

Կապիտալիզմի օրոք, որտեղ պապն ԱՄՆ-ն է և նրա սաթելիտները, Հայաստանը դատապարտված է տարածքների կորստի և ցեղասպանությունների։ Կապիտալիզմի այլընտրանքը սոցիալիզմն է, երրորդ ճանապարհը դեռ չեն հորինել: Եթե կապիտալիզմ, ուրեմն Հայաստանը Արևմուտքի կիսագաղութն է և Նիկոլի պես խամաճիկներ: Եթե սոցիալիզմ է, ուրեմն Հայաստանը դուրս է Արևմուտքի վերահսկողությունից, Հայաստանը սոցիալսիտական տնտեսությամբ կկարողանա պաշտպանել աշխարհի քաղաքական քարտեզի վրա լինելու իր իրավունքը, միայն սոցիալիստական Հայաստանը կկարողանա վերադարձնել Արցախը, Զանգեզուրը և Նախիջևանը: