Բաքվի 26 կոմիսարներ
Հավերժ փառք աշխատավորների ազատագրման համար իրենց կյանքը զոհած հեղափոխականներին։

1918 թ֊ի սեպտեմբերի 20֊ին Թուրքմենստանի Անդրկասպյան ավազուտներում գազանաբար գնդակահարվեցին Բաքվի խորհրդային իշխանության 26 կոմիսարները, այդ թվում՝ կոմունիստական կուսակցության ականավոր գործիչ, Բաքվի ժողովրդական կոմիսարների խորհրդի նախագահ Ստեփան Շահումյանը։ Խմբի մեջ էին նաև Բաքվի Կոմունայի գլխավոր ղեկավարներ՝ Ջափարիձեն, Ազիզբեկովը, Ֆիոլետովը,Ղորղանովը։
Առանց հետաքննության և դատի գնդակահարվեցին 26 հեղափոխականներ, որոնք խորհրդային պատմության դասագրքերից հայտնի դարձան, որպես Բաքվի 26 կոմիսարներ։ Գնդակահարված և խոշտանգված հեղափոխականների խումբը ինտերնացիոնալ էր, որի կազմում էին 8 հայեր, 6 ռուսներ, 6 հրեաներ, 2 կովկասյան թաթարներ, 2 վրացիներ, 1 լատիշ 1 հույն։
Ականատեսների վկայությամբ բոլոր հեղափոխականները մահը ընդունեցին արժանապատվորեն։
Հեղափոխականների գնդակահարությունը իրականացվեց Աշխաբադում անգլիական միսիայի գլխավոր Տիգ Ջոնսոնի հետ նախնական համաձայնությամբ, գեներալ Մալլեսոնի մասնակցությամբ։
Բաքվի Կոմունան, նրա ղեկավարների հերոսական կերպարները, նրանց ապրած կյանքն ու աշխատավորների լուսավոր ապագայի համար տարած պայքարը աշխարհի միլիոնավոր մարդկանց համար եղել է ոգեշնչման և ընդօրինակման աղբյուր։
Տարբեր ազգության պոետներ նրանց սխրանքին ձոնել են իրենց սրտի խոսքը։ Հավերժ փառք աշխատավորների ազատագրման համար իրենց կյանքը զոհած հեղափոխականներին։
Նկարում՝ Իսահակ Բրոդսկու "Բաքվի 26 կոմիսարների գնդակահարությունը" հանրահայտ նկարն է, որը նկարիչը վրձնել է 1925 թ֊ն։
Comentarios