Ռուսաստանի մեկնած օգնության ձեռքից հրաժարվելու հետևանքները
Ալիևը ոչ մի պատահական կամ հաղթական էյֆորիայի տակ գեներացված պահանջ Հայաստանի նկատմամբ չի ներկայացնում։
Հայկ Այվազյան, FACEBOOK
Ալիևը ոչ մի պատահական կամ հաղթական էյֆորիայի տակ գեներացված պահանջ Հայաստանի նկատմամբ չի ներկայացնում։ Ալիևի բոլոր այդ պահանջների վերաբերյալ ՀՀ իշխանությունները պարտավորություններ են վերցրել Արևմուտքում` Մակրոնի, Շոլցի, Բլինկենի և մյուսների միջնորդությամբ։ Հիմա Ալիևը ասում է վերցրե՞լ եք պարտավորություն, կատարեք։
Ալիևի կողմից այսօր ներկայացված ոչ մի պահանջի վերաբերյալ չի եղել ոչ մի պարտավորություն Ռուսաստանի միջնորդությամբ ստորագրված ոչ մի հայտարարության և ոչ մի եռակողմ պայմանավորվածությունների մեջ։ Ռուսաստանի միջնորդությամբ պայմանավորվածություններում չի եղել նաև կետ, որ Արցախը Ադրբեջանի մաս է։
Այստեղ չեմ հասկանում հայաստանյան ընդդիմադիրների վրդովմունքը Ալիևի այսօրվա պահանջների վերաբերյալ։ Հայաստանյան ընդդիմությունը չէ՞ր վերջին երեք տարիների ընթացքում զբաղված Ռուսաստանի միջնորդությամբ ստորագրված հայտարարությունների, ընդհանուր առմամբ ռուսական առաջարկների և Ռուսաստանի միջնորդությամբ պայմանավորվածությունների վարկաբեկմամբ, բացահայտ կամ կուլիսների հետևում Ռուսաստանի ուղղությամբ ցեխ շպրտելով, Ռուսաստանին մեղադրելով գոյություն չունեցող և իրականությանը չհամապատասխանող բաների մեջ։
Հայաստանյան ընդդիմությունը, ընդհանուր առմամբ, հասավ իր նպատակին՝ Ռուսաստանի առաջարկները վարկաբեկվեցին և չկատարվեցին։ Փոխարենը կատարման ընթացքի մեջ են Ալիևի կողմից հնչեցվող Արևմուտքի պահանջները։
Սրանք են Ռուսաստանի մեկնած օգնության ձեռքից հրաժարվելու հետևանքները։
Commentaires