ԱՄՆ-ն ապագա "փաշինյաններ" է ստեղծում

Հայաստանի իշխող լիբերալ ուժերը որոշել են կամովին վաճառել Հայաստանի անկախությունն ու ինքնիշխանությունը Արևմուտքին:

Ռոբերտ Տեր-Հարությունյան, քաղաքագետ


Կարելի է Հայաստանը տարբեր կերպ բնութագրել որպես մի երկիր, որտեղ զարմանալի բաներ են տեղի ունենում: Հայաստանը կարելի է անվանել չկայացած պետություն, կարելի է անվանել նաեւ Արեւմուտքի կիսագաղութը, ում ոնց դուր է գալիս, դրանից տեղի ունեցող երևույթների էությունը չի փոխվում։


Իսկ տեղի ունեցող երևույթի էությունն այսպիսին է. Հայաստանի իշխող լիբերալ ուժերը որոշել են կամովին վաճառել Հայաստանի անկախությունն ու ինքնիշխանությունը Արևմուտքին: Թե ինչ հանգամանքների բերումով են նրանք նման որոշում կայացրել՝ լինի դա անձնական ֆինանսական շահ, լինի դա գաղափարական լիբերալ ստրկամտությունը և խոնարհվելը Արևմուտքի առաջ, այլևս կարևոր չէ: Փաստը մնում է փաստ, որ Հայաստանի իշխանությունը թույլ է տալիս Արևմուտքին թալանել և օգտագործել Հայաստանն իր նպատակների համար, և Արևմուտքն անում է դա։


Հայաստանի ներսում Արևմուտքի ազդեցությունը հատկապես աճել է 2018 թվականի պետական հեղաշրջումից հետո։ Երբ Արևմուտքի աջակցությամբ իշխանությունը զավթեց խամաճիկ Փաշինյանը: Այդ ժամանակից ի վեր Արևմուտքն ակտիվորեն առաջ է տանում իր աշխարհաքաղաքական գիծը՝ միաժամանակ լուծելով մի քանի խնդիր.


-Հայաստանը ամբողջությամբ վերահսկելի և Արևմուտքից կախյալ երկիր դարձնելը,

-Ռուսաստանի, Չինաստանի եւ Իրանի դեմ պանթուրքական ծրագրերի իրականացման գործում հայկական գործոնի սպառնալիքի վերացումը,

-Հայաստանի օգտագործումը հակառուսական, հակաիրանական քաղաքականության մեջ:


Այսպիսով Արևմուտքը, գլխավորապես ԱՄՆ-ը, Փաշինյանի ձեռքերով քայլ առ քայլ իրականացնում է իր ծրագիրը։

Վերջերս հայտնի դարձավ Շիրակի մարզ ԱՄՆ դեսպանի աշխատանքային այցի մասին:


ԱՄՆ դեսպան Թրեյսիի այցի ընթացքում պարզվել է, որ ԱՄՆ-ը ֆինանսավորել է երկու հրշեջ կայանների վերանորոգամանը: Դեսպան Թրեյսին նաև եղել է Գյումրիի ոստիկանության շինություններում, որտեղ շուտով տեղակայվելու է Շիրակի մարզի պարեկային ոստիկանությունը, ինչը նույնպես ֆիանսավորվում է ԱՄՆ-ից:


Գյումրի կատարած այցի ժամանակ դեսպան Թրեյսին Ամերիկյան անկյունում հանդիպել է դպրոցահասակ երեխաների հետ: Գյումրու Ամերիկյան անկյունում անգլերենի դասընթացներից ու խոսակցական անգլերենի խմբակներից զատ կազմակերպվում են ընթերցանություններ, դասախոսություններ, կինոդիտումներ, հանդիպումներ ու ցուցադրություններ:


Մի խոսքով՝ ամերիկյան քաղաքականությունն ու քարոզչությունը լավ է աշխատում Հայաստանում: Ամերիկացիները լավ են աշխատում, քանի որ նրանց ոչ ոք չի խանգարում: Հայ երեխաներին ներքաշելով Արևմուտքի կեղտոտ քարոզչական քաղաքականության մեջ՝ ԱՄՆ-ն որոշակի նպատակներ է հետապնդում: Ամերիկացիներին դուր է գալիս Փաշինյանի արեւմտամետ կառավարությունը եւ նրանց խնդիրն է ավելացնել արեւմտամետ մտածողների թիվը: Այսինքն՝ նրանք ուղղակի շահագրգռված են, որ Հայաստանում հնարավորինս շատ լիբերալ - գլոբալիստներ լինեն, ինչպիսին Փաշինյանն է:


Վերջում կստացվի այնպես, ինչպես դա տեղի է ունենում Արևմուտքի վերահսկողության տակ գտնվող այլ երկրներում, ինչպես օրինակ՝ Վրաստանում կամ Ուկրաինայում: Երբ երկրի ղեկավարի ազգանունը փոխվում է, իսկ արևմտամետ քաղաքականությունը մնում է նույնը:



https://www.facebook.com/usembarmenia/photos/pcb.10159673097352673/10159673095217673/?type=3&theater
https://www.facebook.com/usembarmenia/photos/pcb.10159671126702673/10159671119852673/?type=3&theater


SUMATE A NUESTRO CANAL DE TELEGRAM

RECIBÍ EL NEWSLETTER

Te escribimos correos una vez por semana para informarte sobre las noticias de la comunidad, Armenia

y el Cáucaso con contexto y análisis.

eNTRADAS MÁS RECIENTES

Si llegaste hasta acá...

Es porque te interesa la información con análisis y contexto. NOR SEVAN tiene el compromiso desde hace más de 20 años de informar para la paz y cuenta con vos para renovarlo cada día.

Unite a NOR SEVAN