Ամերիկայի Միացյալ Նահանգները շարունակում է հաստատել իր համաշխարհային տիրապետությունը
- Redacción NOR SEVAN
- hace 1 hora
- 2 Min. de lectura
Այսօր հերթը հասել է Վենեսուելային, իսկ վաղը, ամենայն հավանականությամբ, արդեն մոտենում է Իրանի հերթը:
Ռ. Տեր-Հարությունյան, քաղաքագետ
Սառը պատերազմում ԱՄՆ-ի հաղթանակից և 1991 թվականին Խորհրդային Միության դավաճանական ոչնչացումից հետո կապիտալիստական Արևմուտքի ձեռքերը՝ Վաշինգտոնի գլխավորությամբ, արձակվեցին: Եթե չհաշվենք Կորեայի Ժողովրդական Դեմոկրատական Հանրապետությունը, Կուբան, ապա աշխարհում հաստատվել է միաբևեռ կապիտալիստական աշխարհ, որտեղ Ամերիկան ինչ ցանկանոմ է, այն էլ անում է: Ի վերջո, Ամերիկայի համար գոյություն չունեն միջազգային նորմեր և օրենքներ, նրա համար կանոններ գրված չեն:
Ցանկացավ ռմբակոծել Սերբիայի մայրաքաղաք Բելգրադը, -ռմբակոծեց, ցանկացավ Կոսովոն առանձնացնել Սերբիայից և Արցախը խցկել Ադրբեջանի կազմի մեջ, ապա նա դա հեշտությամբ արեց, ցանկացավ սպանել Միլոշևիչին, Քադաֆիին, Հուսեյնին, և նա դա հեշտությամբ արեց: Ցանկացավ Ռուսաստանին ներքաշել Վրաստանի և Ուկրաինայի հետ պատերազմի մեջ, և դա նույնպես հեշտությամբ արեց: Ի վերջո, Ամերիկայի իշխող դասը ոչ մի պատասխանատվություն չկրեց Առաջին և Երկրորդ համաշխարհային պատերազմները հրահրելու համար: Այսօր հերթը հասել է Վենեսուելային, իսկ վաղը, ամենայն հավանականությամբ, արդեն մոտենում է Իրանի հերթը:
"Ամերիկայի Միացյալ Նահանգները հաջողությամբ լայնածավալ հարված է հասցրել Վենեսուելային և նրա առաջնորդ, նախագահ Նիկոլաս Մադուրոյին, ով իր տիկնոջ հետ միասին գերեվարվել և ինքնաթիռով դուրս է բերվել երկրից", -այս մասին սոցցանցերում գրել է ԱՄՆ նախագահ Դոնալդ Թրամփը: Սա միջազգային իրավունքի հերթական կոպիտ խախտումն է, ինչն ըստ էության նշանակում է, որ Ամերիկան միջազգային հանցավոր պետություն է:
Չի կարող պետությունը գտնվել կապիտալիստական կոորդինատների համակարգում եւ պահպանել իր ինքնիշխանությունը, պաշտպանել իր շահերը: Վենեսուելան նավթ էր վաճառում ԱՄՆ-ին, իսկ ոսկեարժութային պաշարները պահում էր Լոնդոնում: Նույնը վերաբերում է Ռուսաստանին և Չինաստանին: Ակնհայտ է, որ համակարգի մասնիկը չի կարող հաղթել մի ամբողջ համակարգ: Դրա համար էլ այս բոլոր երկրները մեկը մյուսի հետևից պարտվում են Ամերիկային: Բոլորովին այլ բան է ցուցադրում Հյուսիսային Կորեան, որը երկար ժամանակ հաջողությամբ կառուցում է սոցիալիզմը և ծնկի չի գալիս Ամերիկայի առջև:
Comentarios