Արեւմտյան վարկերը Հայաստանը դարձնում են հետամնաց երկիր

Որքան շատ վարկեր է ստանում Հայաստանի կառավարությունը Արեւմուտքից, այնքան ավելի շատ են դառնում գործազուրկներն ու աղքատները:

Ռոբերտ Տեր-Հարությունյան, քաղաքագետ


1991 թվականից սկսած՝ ավելի քան 30 տարի Արևմուտքը մշտապես ֆինանսավորել է Հայաստանը իր վարկերով: Բայց հատկապես ակտիվ Արևմուտքը սկսեց վարկեր տալ այն բանից հետո, երբ Փաշինյանը Արցախը փոխանցեց Ադրբեջանին:


Գրեթե ամեն շաբաթ կարելի է լսել, թե ինչպես է Արևմուտքը տարբեր վարկեր տալիս Փաշինյանին: Ահա ևս մեկ նման նորություն, -"Հայաստանը 100 մլն եվրո եւ 100 մլն դոլար վարկ կստանա բյուջեի ֆինանսավորման համար":

Ինչպես ասվում է պաշտոնական հաղորդագրության մեջ, -"Բյուջետային ֆինանսավորման հիմնական նպատակներն են՝ 1) ամրապնդել հանրային ֆինանսների կառավարման արդյունավետությունը եւ փողի ու կապիտալի շուկաների զարգացումը, 2) մշակել կանաչ տնտեսության անցման ռազմավարական շրջանակ եւ ներդնել հանրային ու մասնավոր ֆինանսավորման խթանմանն ուղղված գործիքներ՝ կլիմայական փոփոխությունների մեղմացման եւ հարմարեցման նպատակներն իրագործելու համար"։


Եթե այս ամենը թարգմանվի նորմալ, հասկանալի լեզվով, ապա դա նշանակում է հետևյալը. Արեւմուտքը Հայաստանի իշխող դասին վարկերով կաշառք է տալիս, որպեսզի Հայաստանի իշխանությունները պահեն կապիտալիստների իշխանությունը, որպեսզի չզարգացնեն երկրի արդյունաբերությունը եւ տնտեսությունը, որպեսզի Հայաստանում կոռուպցիա զարգանա եւ այլն:


Մի խոսքով, ոչ մի նոր բան չկա: 30 տարի Արևմուտքը Հայաստանին վարկեր էր տալիս, կապիտալիզմի զարգացման, բոլոր տեսակի բարեփոխումների, կանաչ տնտեսության և այլևնի համար: Այնուամենայնիվ, ոչինչ չի փոխվում դեպի լավը, ընդհակառակը, ամեն ինչ վատանում է: Հայաստանը վերածեցին տնտեսապես հետամնաց և աղքատ երկրի: Եվ որքան Արևմուտքը վարկեր է տալիս, այնքան Հայաստանը դառնում էլ ավելի հետամնաց ու աղքատ երկիր: Որքան շատ վարկեր է ստանում Հայաստանի կառավարությունը Արեւմուտքից, այնքան ավելի շատ են դառնում գործազուրկներն ու աղքատները: Արդյունքում աշխատունակ բնակչության մեծ մասը չի կարող ապրել իր հայրենիքում և ստիպված է արտագաղթել:


Մյուս կողմից՝ հանրությանը մշտապես հայտնում են, թե որքան վարկ է տալիս Արևմուտքը, սակայն ոչինչ չի ասվում, թե որքան գումար է Արևմուտքը ստանում Հայաստանից: Հնարավոր է, որ վերջում պարզվի, որ Արևմուտքն իրականում ստանում է ավելին, քան տալիս է: Օրինակ, քանի տոննա ոսկի է արտահանվել Հայաստանից ԱՄՆ: Ի վերջո, գաղտնիք չէ, որ այս բոլոր արևմտյան վարկերը, Հայաստանի իշխող դասը հետ է վերադարձնում Արևմուտք: Դրա համար բավական է տեսնել, թե որտեղ են ապրում պաշտոնյաների երեխաները: Ի դեպ, պատգամավոր Փաշինյանի դուստրը երկար ժամանակ ապրել ու սովորել է Եվրոպական Միությունում:


Աղբյուր. NEWS.AM

SUMATE A NUESTRO CANAL DE TELEGRAM

RECIBÍ EL NEWSLETTER

Te escribimos correos una vez por semana para informarte sobre las noticias de la comunidad, Armenia

y el Cáucaso con contexto y análisis.

eNTRADAS MÁS RECIENTES

VOLVEMOS-05.png

NECESITAMOS TU APOYO
PARA HACER PERIODISMO DESDE EL PIE

Si llegaste hasta acá...

Es porque te interesa la información con análisis y contexto. NOR SEVAN tiene el compromiso desde hace más de 20 años de informar para la paz y cuenta con vos para renovarlo cada día.

Unite a NOR SEVAN

  • Instagram - Círculo Blanco
  • Facebook - círculo blanco
  • Twitter - círculo blanco
  • Telegram_X_2019_Logo-01
  • YouTube - círculo blanco