Պաքու դժգոհ է Մոսկուայէն՝ «Արեւելեան Հայաստան»ը յիշատակելուն համար
Ատրպէյճանի արտաքին գործոց նախարարութիւնը ռուսական կողմին դժգոհութիւն յայտնած է 1828 թուականի Թիւրքմենչայի դաշնագրին վերաբերեալ «խեղաթիւրուած» տեղեկատուութիւն հրապարակելու պատճառով:
Ռուսիոյ արտաքին գործոց նախարարութեան պաշտօնական կայքին վրայ, Պարսկաստանի եւ Ռուսիոյ միջեւ կնքուած դաշնագրին ստորագրութեան 194ամեակին առիթով հետեւեալ հրապարակումը տեղադրուած էր․ «Ռուսական կայսրութեան անցան Էրիւանի ու Նախիջեւանի խանութիւնները (Արեւելեան Հայաստան): Իրանի կառավարութիւնը պարտաւորուած էր չխոչընդոտել հայերու Հայկական մարզ տեղափոխման…»:
Ատրպէյճանցիներուն զայրացուցած է փակագիծերու մէջ Արեւելեան Հայաստանի յիշատակումը: Ատրպէյճանի արտաքին գործոց նախարարութիւնը յայտարարած է, որ «խեղաթիւրուած տեղեկատուութեան սրբագրում» կ՛ակնկալէ:
--------
Սյունակում արտահայտված մտքերը պատկանում են հեղինակին եւ կարող են չհամընկնել «Նոր Սեւան»ի տեսակետներին:
Comments