Հայաստանի անդամակցությունը ԵՄ-ին կարգելի ռուսաստանցիներին (այդ թվում՝ հայերին) մուտք գործել Հայաստան

Անկախ նրանից, թե ինչպիսին էլ լինեն ռուս-արևմտյան հարաբերությունները, Հայաստանի իշխանությունները միշտ արևմտամետ քաղաքականություն են վարել։

Խորհրդային Միության կազմից Հայաստանի դուրս գալուց հետո լիբերալ իշխող ուժերը որդեգրեցին Արեւմտյան կապիտալիստական աշխարհին ինտեգրվելու ուղեգիծը:

Արեւմուտքի հետ ինտեգրվելու 34 տարիների ընթացքում Հայաստանը կարճ ճանապարհ է անցել, որտեղ երկիրը ըստ էության վերածվել է Արեւմուտքի դե ֆակտո կիսագաղութի, մնում է ընդամենը ձեւական անդամակցություն ՆԱՏՕ-ին եւ Եվրոպական կապիտալիստական միությանը, որպեսզի արդեն դե յուրե ամրագրվի Հայաստանի կիսագաղութաին բնույթը:

Այս ընթացքում տարբեր հարաբերություններ են եղել Արևմուտքի և Ռուսաստանի միջև, եղել են ժամանակներ, երբ Ռուսաստանը համագործակցել է Արևմուտքի հետ, իսկ հիմա ժամանակներ են, երբ Արևմուտքը պայքարում է Ռուսաստանի դեմ։ Սակայն անկախ նրանից, թե ինչպիսին էլ լինեն ռուս-արևմտյան հարաբերությունները, Հայաստանի իշխանությունները միշտ արևմտամետ քաղաքականություն են վարել։

Հայաստանի իշխանությունների 34-ամյա երկդիմի քաղաքականությունն այն է, որ նրանք միշտ ձևացել են, թե Ռուսաստանի բարեկամն ու դաշնակիցն են՝ Ռուսաստանից ստանալով բոլոր բարիքները (էժան գազ, զենք, ռուսական շուկա, հայ միգրանտների աշխատանք), իսկ իրականում այս 34 տարիների ընթացքում Հայաստանի իշխանությունները խորացրել են իրենց ինտեգրումն ու կախվածությունը Արևմուտքից:

Փաշինյանի այսօրվա արևմտամետ արտաքին և ներքին քաղաքականությունն ընդամենը բարդացնում է Հայաստանի և հայ ժողովրդի վիճակը։ Ըստ էության, Հայաստանի իշխանությունները հայերին և Հայաստանին դարձնում են Ռուսաստանի թշնամի։ Դառնալ Եվրամիության անդամ, որը պատերազմ է մղում Ռուսաստանի դեմ, դա ավտոմատ նշանակում է, որ Հայաստանը կլինի Ռուսաստանի թշնամին:

Ավելին, հայ-ռուսական տնտեսական և քաղաքական հարաբերությունները կշարունակեն վատթարանալ Փաշինյանի արևմտամետ կուրսի պատճառով։ Ռուսաստանցիները և ռուսաստանաբնակ հայերը կդառնան Հայաստանի թշնամիները, նրանց կարգելվի մուտք գործել Հայաստան, ճիշտ այնպես, ինչպես դա արվում է Լատվիայում, Էստոնիայում կամ Ֆինլանդիայում: