Ո՞վ է հրահրել "էներգոմայդանի" 2015թ. ցույցերը Հայաստանում

1998-2018թթ. սկսած՝ ավելի քան 20 տարի, Հայաստանի գլոբալիստները, օգտագործելով Արևմուտքի քաղաքական և ֆինանսական աջակցությունը, փորձել են զավթել իշխանությունը Հայաստանում:

Ռ. Տեր-Հարությունյան, քաղաքագետ

Ինչպես հայտնի է, Հայաստանի իշխող դասում գաղափարական պառակտում տեղի ունեցավ գլոբալիստների՝ Լևոն Տեր-Պետրոսյանի, Փաշինյանի և ուրիշների գլխավորությամբ, որոնք ձգտում էին Արցախը հանձնել Ադրբեջանին, և ազգայնականների՝ Ռոբերտ Քոչարյանի, Սերժ Սարգսյանի և ուրիշների գլխավորությամբ, որոնք ձգտում էին բանակցել և դեմ էին Արցախը Ադրբեջանին հանձնելուն: Այս պառակտումը հանգեցրել է իշխանության երկու հեղաշրջման՝ 1998-ին եւ 2018-ին: 1998-ին իշխանությունը գլոբալիստ Տեր-Պետրոսյանի ձեռքից անցավ ազգայնական Ռ. Քոչարյանի ձեռքը, իսկ 2018-ին իշխանությունն ազգայնական Ս. Սարգսյանի ձեռքից անցավ գլոբալիստ Փաշինյանի ձեռքը:

1998-2018թթ. սկսած՝ ավելի քան 20 տարի, Հայաստանի գլոբալիստները, օգտագործելով Արևմուտքի քաղաքական և ֆինանսական աջակցությունը, փորձել են զավթել իշխանությունը Հայաստանում, որպեսզի իրականացնեն Արևմուտքի աշխարհաքաղաքական ծրագրերը, մասնավորապես՝ Արցախը հանձնել Ադրբեջանին:

Իշխանությունը զավթելու այդ փորձերի թվում են դարձել բողոքի ակցիաները յուրաքանչյուր նախագահական ընտրությունների ժամանակ, հատկապես հայտնի են դարձել 2008 թվականի անկարգությունները, 2013 թվականի նախագահական ընտրությունները, ապա 2015 թվականի բողոքի ակցիաները, 2016 թվականին պատանդ վերցնելը, եւ, ի վերջո, 2018 թվականին գլոբալիստները կարողացան զավթել իշխանությունը Հայաստանում:

Հետաքրքիր է այս համատեքստում վերհիշել 2015 թվականի իրադարձությունները։ 

Այսպես, 2015 թվականին "Հայաստանի էլեկտրական ցանցեր" ՓԲԸ-ն, որը ռուսական "Ինտեր ՌԱՕ"ի 100 տոկոսանոց դուստր ձեռնարկությունն է, հանկարծ առաջարկեց ցերեկային սակագինը բարձրացնել մինչև 58,93 դրամ 1 կվտ/ժամ էլեկտրաէներգիայի դիմաց 41,85 դրամի փոխարեն, իսկ գիշերային սակագինը՝ մինչև 48,93 դրամ 31,85 դրամի փոխարեն (1 ԱՄՆ դոլարը = 473 դրամ)։ Այսպիսով, առաջարկվում էր ցերեկային սակագինը բարձրացնել 40%-ով, գիշերայինը՝ 53.6%-ով։ Բնականաբար, այս ամենը դժգոհություն առաջացրեց հասարակության լայն շերտերում, ինչից կարողացան օգտվել ընդդիմադիր կուսակցությունները, որոնք բողոքի ցույցեր էին կազմակերպում Երևանի փողոցներում։

Որպեսզի իրավիճակը պարզ դառնա, պետք է իմանաք, թե ով ով է և ով է շահել ստեղծված իրավիճակից: Ուրեմն, ռուսական "Ինտեր ՌԱՕ" ընկերությունը, որին պատկանում էր "Հայաստանի էլեկտրական ցանցեր" ՓԲԸ-ն, ղեկավարել է հայտնի Անատոլի Չուբայսը: Անատոլի Չուբայսը Արևմուտքի գլոբալիստական շրջանակների հայտնի գործիչ և դրածոն է, նրա ամբողջ պետական գործունեությունը ուղղված էր Ռուսաստանի շահերին վնասելուն: Չուբայսը հեռացել է Ռուսաստանից Ուկրաինայում ռազմական գործողությունների սկսվելուց հետո.Պուտինի խոսքով՝ նա "փախել է" Իսրայել և դարձել է "Մոյշա Իզրաելի": Եվ ինչպես ինքն էր խոստովանել նախագահ գլոբալիստ Լեւոն Տեր-Պետրոսյանը, գլոբալիստ Անատոլի Չուբայսը նրա ընկերն է:

Այն ժամանակ Հայաստանի իշխանությունները կարողացան կարգավորել իրավիճակը, մեծամասամբ ռուսաստանահայ հայտնի գործարար Սամվել Կարապետյանի շնորհիվ, ով "Հայաստանի էլեկտրական ցանցեր" ՓԲԸ-ն ձեռք բերեց Անատոլի Չուբայսից: Այդ ժամանակվանից ի վեր Նիկոլ Փաշինյանի նման գլոբալիստների մոտ վրեժ է կուտակվել Սամվել Կարապետյանի դեմ՝ իշխանությունը զավթելու նրանց ծրագրերը խափանելու համար։ Նիկոլական տականքները ստիպված էր սպասել ևս երեք տարի՝ 2018 թվականը։

2018-ին, նույն Սամվել Կարապետյանը չխանգարեց Նիկոլին իշխանությունը զավթելուն ու յուրացնելուն, ավելին՝ բազմիցս հանդիպել է, տարբեր ծրագրեր քննարկել է, շփվել է, ուրախացել է նրա հետ հարսանիքներում և այլն:

Հիմա Փաշինյանը, բոլոր դիմակները գցելով, որոշել է բացահայտ կերպով իրացնել Սամվել Կարապետյանի դեմ իր վրեժը: Միայն Փաշինյանի զրպարտչական մեղադրանքը Սամվել Կարապետյանին, "երկրում ներքին դժգոհությունը բորբոքելու նպատակով միտումնավոր էներգետիկ ճգնաժամ ստեղծելու" մեջ, արդեն շատ բաների մասին է խոսում։