Պատերազմը չունի յաղթող, իսկ խաղաղութիւնը՝ պարտեալ

Թուրքիոյ խորհրդարանին մէջ Ժողովուրդներու Դեմոկրատական Կուսակցութիւնը ներկայացնող հայազգի երեսփոխան Կարօ Փայլանը և Արցախը։



ՄԱՄՆՈՅ ՀԱՂՈՐԴԱԳՐՈՒԹԻՒՆ

2 հոկտեմբեր 2020


Ատրպէյճանի ու Հայաստանի միջեւ Լեռնային Ղարաբաղի խնդրի պատճառով շարունակուող լարուածութիւնը, դժբախտաբար, վերջին օրերուն կ՚ընթանայ դէպի պատերազմ։


Հակառակ ողջ աշխարհի հակամարտութեան դադարեցման ու հրադադարի կոչերուն, ԱՔՓ-ՄՀՓ դաշինքը բացայայտօրէն ռազմատենչ պահուածք մը որդեգրած է՝ մեր երկրի հարեւանները հանդիսացող Ատրպէյճանի ու Հայաստանի միջեւ առկայ լարուածութեան դիմաց։


Իշխանութիւնը բացայայտօրէն պատերազմի քարոզչութիւն կ՚իրականացնէ՝ իր ռազմատենչ ընթացքով, Հայաստանի պետութեան դէմ բացայայտ թշնամական յայտարարութիւններով եւ նեցուկ ըլլալով պատերազմին՝ փոխանակ հրադադարի ու բանակցութեան կոչ ուղղելու երկու երկիրներուն։


Ըստ ՄԱԿ-ի քաղաքացիական ու քաղաքական իրաւունքի համաձայնագրի 20-րդ յօդուածին, զոր ստորագրած է նաեւ Թուրքիա, եւ որ Սահմանադրութեան 90/4 յօդուածին համաձայն գերադաս է ներքին իրաւունքէն, «պատերազմի որեւէ քարոզչութիւն արգիլուած է օրէնքով»։ Իշխանութեան ներկայացուցիչները յանցանք կը գործեն՝ իրականացնելով պատերազմի քարոզչութիւն։


ՀՏՓ ու իր ներկայացուցիչները մշտապէս խաղաղութիւնն է որ պաշտպանած են։ Իմ ընկերներս ու ես, կեանքի ու քաղաքականութեան բոլոր ոլորտներէն ներս, թէ՛ ներքին, թէ՛ արտաքին քաղաքականութեան մէջ, ընդդիմանալով պատերազմին, տեւապէս պաշտպանեցինք խաղաղութիւնը եւ պիտի շարունակենք պաշտպանել։


Այն բոլոր հարցերուն մէջ, ուր իշխանութիւնները կողմ էին հակամարտութեան, բռնութեան եւ ռազմի քաղաքականութեան, ինչպէս Էգէականի հարցը, Քրտական հարցը, Ղարաբաղեան հարցը, միշտ կողմ եղայ խաղաղ լուծման։ Հակամարտութեան առաջին պահէն իսկ, ջանք թափեցի փոխելու Թուրքիոյ դիրքը այս պատերազմին դիմաց, որու հետեւանքով հայ ու ատրպէյճանական ժողովուրդները պիտի ունենան մեծ կորուստներ։ Կատարած յայտարարութիւններուս մէջ կողմ եղայ միմիայն խաղաղութեան։


Այսօր ես ու իմ կուսակցութիւնը ԱՍԱՄ (Եւրասիական ռազմավարական հետազօրութիւններու կեդրոն) ստորագրութեամբ հրապարակուած ծանուցումով մը որպէս թիրախ ցոյց տրուեցանք, որովհետեւ խաղաղութիւն կ՚ուզէինք։ Ատելութեան խօսքով լեցուն ԱՍԱՄ-ի յայտարարութիւնը կատարողներու մասին դիմած եմ դատական գործընթացի։


Իշխանութիւնը ռազմական քաղաքականութեամբ մեր երկիրն ու ողջ տարածաշրջանը դէպի խաւար կ՚առաջորդէ։ Անոնք, որոնք պատերազմի փողեր կը հնչեցնեն, կը փորձեն լռեցնել խաղաղութեան ձայն բարձրացնել փորձողները։ Ինչ որ ալ ընեն՝ ես ու ընկերներս պիտի շարունակենք «խաղաղութիւն» գոչել։


Որովհետեւ ՊԱՏԵՐԱԶՄԸ ՉՈՒՆԻ ՅԱՂԹՈՂ, ԻՍԿ ԽԱՂԱՂՈՒԹԻՒՆԸ՝ ՊԱՐՏԵԱԼ։


Կը տեսնեմ, որ կարգ մը շրջանակներ շարժման անցած են զիս լռեցնելու համար։ Շատ լաւ գիտեմ, թէ ինչ կը նշանակէ այս յայտարարութիւնը։ Հակառակ այս իրողութեան, պիտի չնահանջեմ պատասխանատուութիւն ստանձնելէ՝ պատերազմները կանխելու համար։ Անձիս դէմ հաւանական բոլոր յարձակումներուն պատասխանատուն, իշխանութիւններուն չափ, ԱՍԱՄ եւ նման կազմակերպութիւններն են, որոնք անցեալին պատահած ատելութեան յարձակումներուն ալ պատասխանատուներն էին։


Կոչ կ՚ընեմ բոլոր այն անձերուն ու կազմակերպութիւններուն, որոնք կը հաւատան խաղաղութեան, որպէսզի խաղաղութիւնը պաշտպանելու համար բարձրացնեն իրենց ձայնը՝ ընդդէմ պատերազմի։


Կարօ ՓԱՅԼԱՆ

ՀՏՓ-ի փոխհամանախագահ


RECIBÍ NUESTRO NEWSLETTER

Te escribimos correos una vez por semana para informarte sobre las noticias que tenés que saber. Te damos contexto y análisis sobre lo que pasa en la comunidad, Armenia y el Cáucaso.

  • Twitter - círculo blanco
  • Instagram - Círculo Blanco
  • Telegram_X_2019_Logo-01
  • Facebook - círculo blanco
  • YouTube - círculo blanco
  • kisspng-white-house-white-plains-brush-c

Fue fundado en 1999 como continuidad de los periódicos Estrella Roja, Hai Guiank, Hai Mamul, Verelk, Ereván y Seván, de la Unión Cultural Armenia. A lo largo de su historia de casi un siglo, la prensa institucional mantuvo la periodicidad, a pesar de las prohibiciones y clausuras sufridas por las dictaduras militares de turno. Hoy, NOR SEVAN mantiene los objetivos y principios fundacionales de quienes nos antecedieron, aportando nuestro granito de arena a la construcción de una sociedad sin explotadores ni explotados, con paz, amistad y solidaridad entre los pueblos.

Cnel. Niceto Vega 4764 (C1414BED), Ciudad Autónoma de Buenos Aires, Argentina