Պետք է միավորվել եւ պայքարել
Միայն միավորվելով, կենտրոնացնելով ուժերը ու ռեսուրսները, սոցիալիզմի կողմնակիցները կկարողանան մարտահրավեր նետել կապիտալիզմին:
Ռոբերտ Տեր-Հարությունյան, քաղաքագե
Ի՞նչ պես կարելի է ապրել կապիտալիստական Հայաստանում, որտեղ իշխանությունները 30 տարի շարունակ խաբում են ժողովրդին՝ պատմելով հեքիաթներ այն մասին, որ կապիտալիզմի պայմաններում կյանքն ավելի լավ է, քան սոցիալիզմի ժամանակ: Որքան էլ իշխանությունները քարոզեն, որ ամեն ինչ լավ է, բայց չնայած այս ամենին կյանքը բոլորովին այլ բան է ցույց տալիս: Հայաստանում կառուցվել է մարդու համար անտանելի կենսապայմաններ։ Նման հասարակական քաղաքական համակարգում մարդիկ չեն կարող ապրել, մարդկանց ստիպում են վարկեր վերցնել, սնանկանալ և արտագաղթել:
Ի՞նչ անել: Ինչպե՞ս ոչնչացնել այս բոլոր չարիքները:
Իհարկե, մենք կարող ենք ազատվել անցանկալի քաղաքական գործչից: Բայց արդյո՞ք դա կօգնի: Արդյո՞ք դրանից հետո գործազրկությունն, աղքատությունը, օլիգարխներն ու արտագաղթը կվերանան: Իհարկե ոչ:
Այս անցանկալի քաղաքական գործիչը չի լինի, բայց նրա տեղը կգա մեկ ուրիշը, ով նույնպես լիբերալ հակաժողովրդական քաղաքականություն կվարի: Հայաստանի կապիտալիստական քաղաքական համակարգն աշխատում է առանց կանգառի. Լեւոն Տեր-Պետրոսյան, Ռոբերտ Քոչարյան, Սերժ Սարգսյան, Արմեն Սարգսյան, Վ. Խաչատուրյան, Նիկոլ դավաճանը և այլն: Մեկը հեռանում է, մյուսը գալիս է, իսկ հասարակական քաղաքական համակարգը՝ կապիտալիզմի տգեղ դեմքով մնում է անձեռնմխելի:
Ամբողջ հասարակական-քաղաքական համակարգը պետք է վերափոխվի: Քանի որ կապիտալիզմի միակ այլընտրանքը սոցիալիզմն է: Բայց միայնակ ոչ մի մարդ չի կարող դա անել, որքան էլ որ նա հզոր լինի: Յուրաքանչյուրը դատապարտված է կործանման, եթե նա սոցիալիզմի պայքարի համար չի միավորվում ընկերների հետ: Ուստի, միայն միավորվելով, կենտրոնացնելով ուժերը ու ռեսուրսները, սոցիալիզմի կողմնակիցները կկարողանան մարտահրավեր նետել կապիտալիզմին:
Comments