Ռուս-հայկական համալսարանը ռուսատյացների կենտրոն են դարձրել

Հայաստանում արևմուտքի ռուսատյացների գործակալների ցանկը բավական մեծ է։ Ամերիկացիները շատ լավ են խառնվում Հայաստանի ներքին գործերին։



Ռոբերտ Տեր-Հարությունյան, քաղաքագետ


Որտեղի՞ց են հայտնվում այդքան շատ ռուսատյաց տրամադրված քաղաքական գործիչներ Հայաստանում։ Ո՞վ եւ ինչի՞ համար է արտադրում նման սադրիչներին:

2018-ի պետական հեղաշրջումից հետո Հայաստանում իշխանությունը զավթել են արմատական ռուսատյացներն ու արևմտյան գործակալները: Հասկանալու համար վերցնենք Փաշինյանի այսօրվա միակ իշխող կուսակցության, ասենք երկու գործիչներին։ Օրինակ՝ պատգամավոր Լիլիթ Մակունցին և անվտանգության խորհրդի քարտուղար Արմեն Գրիգորյանին։


Բավական է ուշադրություն դարձնել Փաշինյանի այդ ֆանատիկների կենսագրություններին, որպեսզի հասկանանք, թե ինչպես են նրանք դարձել այն, ինչ հիմա ներկայացնում են իրենցից ։


Եվ այսպես, ըստ պաշտոնական կենսագրության՝ Արմեն Գրիգորյան.

Կրթություն և գիտական գործունեություն

•2011–2013 թվականներին զբաղվել է «Քաղաքական էլիտան հետխորհրդային Հայաստանում. բնութագրիչները և ձևավորման ուղիները» գիտական աշխատանքի հեղինակմամբ։

•2009-2011 թվականներին մասնակցել տարբեր միջազգային կրթական նախագծերի Ջորջթաունի, Հելսինկիի համալսարաններում, Իտալիայի հանրային կառավարման դպրոցում և այլն։

•2009–2011 թվականներին սովորել է Հայաստանի ամերիկյան համալսարանի Քաղաքագիտության և միջազգային հարաբերությունների ֆակուլտետում։

•2001–2007 թվականներին սովորել է Երևանի պետական համալսարանի Միջազգային հարաբերությունների ֆակուլտետում։


Աշխատանքային գործունեություն

•2018 թվականի մայիսի 17-ին ՀՀ Վարչապետ Նիկոլ Փաշինյանի հրամանով նշանակվել է ՀՀ Անվտանգության խորհրդի քարտուղար։

•2015–2018 թվականներին աշխատել է «Transparency International» հակակոռուպցիոն հասարակական կազմակերպությունում, որպես ընտրական ծրագրերի համակարգող։

•2017 թվականի ապրիլին ՀՀ ԱԺ ընտրությունների ընթացքում համակարգել է «Քաղաքացի դիտորդ» դիտորդական առաքելությունը, որին ներգրավված են եղել 3000 դիտորդներ։

•2017 թվականի սեպտեմբեր–դեկտեմբեր ամիսներին Եվրոպայի խորհրդի փորձագետ՝ «Թափանցիկության և քաղաքացիական մասնակցության» թեմաներով։

•2015 թվականի Սահմանադրական փոփոխությունների հանրաքվեի ժամանակահատվածում համակարգել է «Քաղաքացի դիտորդ» դիտորդական առաքելությունը, որին ներգրավված են եղել ավելի քան 1000 դիտորդներ։

•2015 թվականից մինչ 2018 թվականի ապրիլը հրավիրյալ դասախոս է եղել Հայ-ռուսական (Սլավոնական) համալսարանի Համաշխարհային քաղաքականության և միջազագային հարաբերությունների ֆակուլտետում։

•2013 թվականի հունվար-փետրվար ամիսներին ՀՀ նախագահի թեկնածու Անդրիաս Ղուկասյանի նախընտրական շտաբի պետ։

•2012-2013 թվականներին աշխատել է «Counterpart International Armenia» հասարակական կազմակերպությունում որպես Քաղաքացիական հասարակության ծրագրերի համակարգող։


Հաջորդը Լիլիթ Մակունցի կենսագրությունն է.

•2003թ. ավարտել է Երեւանի պետական համալսարանի ռոմանագերմանական բանասիրության ֆակուլտետը, 2005թ.՝ նույն ֆակուլտետի մագիստրատուրան:

•Բանասիրական գիտությունների թեկնածու: Մասնակցել է Թաֆտս համալսարանի Ֆլետչերի ամառային դպրոցի դասընթացին (2015թ., ԱՄՆ):

•2005 թվականից դասավանդում է Հայ-ռուսական համալսարանում: 2016 թվականից պայմանագրային հիմունքով աշխատում է ԱՄՆ Խաղաղության կորպուսում:

•2018թ. (փետրվար)-2018թ. (մայիս)՝ Հայ-ռուսական համալսարանի միջազգային կապերի եւ համագործակցության բաժնի ղեկավար:

•12.05.2018-14.01.2019թթ. եղել է ՀՀ մշակույթի նախարար:


Այսպիսով, Ռուս-հայկական համալսարանը, երկու ներկայացուցիչների մոտ անցնում է կարմիր թելով։ Հիշեցնենք, որ այս համալսարանը Ռուսաստանի Դաշնության եւ Հայաստանի Հանրապետության համատեղ վարման բարձրագույն մասնագիտական կրթության կրթական հաստատությունն է եւ օգտվում է Ռուսաստանի Դաշնության եւ Հայաստանի Հանրապետության պետական բարձրագույն ուսումնական հաստատությունների կարգավիճակից: Այս համալսարանի հիմնական խնդիրներից մեկը երկու պետությունների ժողովուրդների մշակույթների, լեզուների, պատմական և ազգային ավանդույթների պահպանմանն, զարգացմանն ու հարստացմանը նպաստելն է:


Եվ ստացվում է բավականին անտրամաբանական, միանգամայն տարօրինակ ու անհասկանալի բան: Ինչպես է ստացվում, որ աշխատանքի են ընդունում արեւմտյան քաղաքականապես կողմնորոշված կենտրոններում սովորած մարդկանց, որոնք կրում են վառ արտահայտված հակառուսական ուղղվածություն: Ստացվում է տարօրինակ բան՝ Արմեն Գրիգորյանը կամ Լիլիթ Մակունցը, ովքեր ավարտել են Թաֆտսի համալսարանի Ֆլետչերի ամառային դպրոցը և Հայաստանի ամերիկյան համալսարանը, ռուս-հայկական համալսարանում աշխատանքի ընդունեցին, որպեսզի նրանք զարգացնեն և ամրապնդեն պատմական կապերը, ավանդույթները, մշակույթը Հայաստանի և Ռուսաստանի ժողովուրդների միջև:


Ակնհայտ է, որ այս օրինակի վրա պետք է հստակ ֆիքսել կարևոր կետեր․

-Արևմուտքը տարիներ շարունակ Հայաստանում հավաքագրել է հազարավոր երիտասարդների՝ իրենց քաղաքական կենտրոններում սովորելու համար՝ այդ մարդկանց վերածելով Արևմուտքի քաղաքականությունն առաջ մղելու իրենց գործակալների։

-Արեւմուտքի այդ գործակալները, ավարտելով ուսումը արեւմտյան կենտրոններում, աշխատում էին ռուսական կենտրոններում Հայաստանում:

-Արեւմուտքը նման գործակալներ է ստեղծում Ռուսաստանի դեմ քայքայիչ աշխատանքի համար, ուրեմն նա պետք է աշխատի ռուսական բուհում, ռուսական ընկերությունում, որպեսզի ամեն օր վարակի իր ուսանողներին կամ գործընկերներին հակառուսական վիրուսով:

-Հայաստանում 2018-ի պետական հեղաշրջման ժամանակ ամերիկացիների աշխատանքն արդյունք տվեց, շատ ուսանողներ, ովքեր ուսուցում էին անցնում այնպիսի "դասախոսների" մոտ, ինչպիսիք են Մակունցը կամ Գրիգորյանը, օրինական ընտրված իշխանությունների դեմ անօրինական ակցիաների էին դուրս եկել: Ռուսական ընկերությունների շատ աշխատակիցներ նույնպես մասնակցել են Հայաստանում ռուսատյացների կողմից իշխանության զավթմանը:

-Մեծ հարցեր են առաջացնում ռուսական համապատասխան մարմինների դիրքորոշումը: Ուր է նայում Հայաստանում Ռուսաստանի դեսպանատունը, ինչու է թողնում առանց հսկողության, ինչը թույլ է տալիս ամերիկացիներին միանգամայն ազատ, աշխատանքի անցնել Հայաստանում ռուսական բուհում, ռուսատյացներին և Արևմուտքի գործակալներին՝ հայ-ռուսական կապերը խարխլելու համար։ Վերջապես՝ ո՞վ է Համալսարանի ռեկտոր նշանակել Արմեն Դարբինյանին:

Վերջում մի քանի խոսք Ռուս-հայկական համալսարանի ռեկտոր Արմեն Դարբինյանի մասին: Նախագահ Ռ. Քոչարյանի պաշտոնավարման ընթացքում զբաղեցրել է ՀՀ վարչապետի պաշտոնը 1998-1999 թթ.: Նախաձեռնել և իրականացրել է պետական սեփականության, այդ թվում՝ խոշոր օբյեկտների մասշտաբային դրամական մասնավորեցում։ Հայտնի է դարձել որպես անարդյունավետ մենեջեր, մնացել է այդ պաշտոնում ընդամենը մեկ տարի: "Ժողովուրդների բարեկամության" ռուսական շքանշանով պարգևատրված Արմեն Դարբինյանը համարձակվում է աշխատանքի ընդունել ռուսատյացներին և Արևմուտքի գործակալներին: Միանշանակ է, որ իր քաղաքականությամբ Ռուս-հայկական համալսարանի ռեկտոր Ա. Դարբինյանը բացահայտ հակահայկական և ըստ էության հակառուսական քաղաքականություն է վարում՝ համալսարանը վերածելով ռուսատյացների կենտրոնի։ Այս հակառուսական գործունեության համար ստանալով աշխատավարձ, շքանշաններ և մեդալներ:


Արևմուտքի ռուսատյացների նման գործակալների ցանկը բավական մեծ է։ Պետք է ասել, որ ամերիկացիները շատ լավ են խառնվում Հայաստանի ներքին գործերին, իրենց պատրաստած կադրերով ձևավորում են իրենց ձեռնտու հասարակական կարծիքը։ Շատ ուսանողներ արևմտյան քարոզչության ենթարկվելով՝ սկսում են հակառուսական պահանջներով փողոց դուրս գալ։



SUMATE A NUESTRO CANAL DE TELEGRAM

RECIBÍ EL NEWSLETTER

Te escribimos correos una vez por semana para informarte sobre las noticias de la comunidad, Armenia

y el Cáucaso con contexto y análisis.

eNTRADAS MÁS RECIENTES

Si llegaste hasta acá...

Es porque te interesa la información con análisis y contexto. NOR SEVAN tiene el compromiso desde hace más de 20 años de informar para la paz y cuenta con vos para renovarlo cada día.

Unite a NOR SEVAN