Ոչ եւս է ընկեր Գասպար Տէրտէրեան


Յարգարժան ու սիրելի ընթերցողներ, ընկերներ, բարեկամներ,


Մեծ տխրութեամբ կը յայտնենք, որ օգոստոսի 22-ին, լիբանանահայ գաղութը կորսնցուց իր կարկառուն, լրջախոհ երէց մտաւորական դէմքերէն մէկը՝ իրաւաբան Գասպար Տէրտէրեանը։


Հայրենասիրական ամուր հաւատքով ու ներշնչումով տոգորուն, Հայ Դատի յաջողութեան հաւատքով ոգեւոր ու խանդավառ, հայ ժողովուրդի յաւերժութեան գաղափարի անյաղթ զինուոր Մեթր Տէրտէրեան, իր կեանքի գրեթէ ինը տասնամեակներուն միշտ ալ մնաց պատնէշի վրայ, եւ իր բացառիկ մտաւորականի հատու գրիչով շատ յաճախ խարազանեց անարդարութեան չարագործները եւ ժողովուրդը կեղեքող վաշխառուները։


Ան, իր իմաստալի խմբագրականներով ու առաջնորդող յօդուածներով մնայուն կերպով յոյս ու լոյս սփռեց ու հայրենասիրական մաքուր հաւատք ներշնչեց սփիւռքահայ զանգուածներուն։


Իր մահով, Լիբանանահայութիւնը կորսնցուց իրա'ւ, գիտակից ու ներհուն մտաւորական մը։ Մեթր Տէրտէրեան սիրուած ու յարգուած էր բոլորէն անխտիր՝ իր մարդկային ու գաղափարական ամուր կեցուածքին, պայծառ միտքին ու ուղիղ գործելաոճին համար։


Աւելին, հայ ժողովուրդը՝ Հայաստան, Արցախ եւ Սփիւռք, կորսնցուց Հայ Դատի հետամուտ ճշմարիտ ու անխոնջ ռահվիրայ մը։


Գասպար Տէրտէրեան մարդու, մտաւորականի, խմբագիրի, հրապարակագիրի եւ իրաւաբանի կորուստը մեծ ցավ է ո'չ միայն լիբանանահայ գաղութին համար, այլ ամբողջ հայ ժողովուրդին համար։


Սեբաստիոյ ու Շապին Գարահիսարի, այլ խօսքով` Զօրավար Անդրանիկի հայրենակից Գասպար Տէրտէրեան, մինչեւ իր մահուան օրը մնաց պատնէշի վրայ, գրիչը ձեռքին եւ ստեղծագործեց խոհա֊փիլիսոփայական խորքային մտածողութեամբ, լուսաբանելով եւ հարստացնելով թէ' լիբանանահայ եւ թէ' սփիւռքահայ մամուլը։ Հանգիստ իր ոսկորներուն։


Խորազգած ցաւակցութիւններ իր քոյրերուն, ընտանեկան պարագաներուն, գաղափարի ընկերներուն եւ լիբանանահայ մտաւորականներուն։

SUMATE A NUESTRO CANAL DE TELEGRAM

RECIBÍ EL NEWSLETTER

Te escribimos correos una vez por semana para informarte sobre las noticias de la comunidad, Armenia

y el Cáucaso con contexto y análisis.

eNTRADAS MÁS RECIENTES

Si llegaste hasta acá...

Es porque te interesa la información con análisis y contexto. NOR SEVAN tiene el compromiso desde hace más de 20 años de informar para la paz y cuenta con vos para renovarlo cada día.

Unite a NOR SEVAN